Untitled

A autora fai referencia a algunhas das primeiras experiencias en España con edublogs dende departamentos dalgúns centros de ensinanza superior. Afirma que pola contra, no terreo das ensinanzas medias, o seu desenvolvemento non estivo integrado nos programas educativos, senón que foi debido fundamentalmente aos esforzos individuais dalgúns profesores que utilizaron os blogs para a comunicación cos seus alumnos. Con respecto a esta afirmación, non sei exactamente os datos cos que conta para facela, pero en principio, non estou dacordo con Tiscar xa que, polo que puiden observar e pescudar, as iniciativas a nivel universitario, tamén xurdiron a título individual de profesores interesados polo tema dos blogs, e non teño nada claro que foran anteriores ás iniciativas de profesores de secundaria e primaria, que tiñan os blogs (como outras moitas ferramentas web) tanto ou máis integrado nos seus programas educativos que estes profesores universitarios. Nota: [As notas que permanecen privadas, iranse publicando en canto estean presentables ;)]